ᑐᒃᓯᕋᕐᓂᕐᒧᑦ ᐊᒃᓱᕈᕈᑎᖃᕐᓂᕐᒧᑦ ᓈᒻᒪᙱᓐᓂᐅᔪᓂᑦ

 

ᐱᔪᓐᓇᕐᓂᐅᔪᖅ ᑐᒃᓯᕋᕐᓂᕐᒧᑦ ᐊᒃᓱᕈᕈᑎᖃᕐᓂᕐᒧᑦ ᓈᒻᒪᙱᓐᓂᐅᔪᓂᑦ ᐊᑕᐅᓯᐅᓪᓗᓂ ᔫᓂᐊᓐᑯᑦ ᐃᓚᒋᔭᐅᔪᓄᑦ ᐱᔪᓐᓇᕐᓂᖃᕆᕙᐅᒃ. ᐊᒃᓱᕈᕈᑎᖃᕐᓂᕐᒧᑦ ᓈᒻᒪᙱᓐᓂᐅᔪᓂᑦ ᐃᖢᐃᓪᓕᐅᓂᐅᕗᖅ ᑎᑎᕋᕐᓂᒃᑯᑦ, ᑐᓂᔭᐅᓪᓗᓂ ᒪᓕᒃᖢᓂ ᐊᑕᖏᖅᖢᑎᒃ ᐊᖏᖃᑎᒌᒍᑎᒋᓯᒪᔭᖓᓐᓂᑦ. ᐊᒃᓱᕈᕈᑎᖃᕐᓂᕐᒧᑦ ᓈᒻᒪᙱᓐᓂᐅᔪᓂᑦ ᓴᖅᑭᑦᑐᓐᓇᖅᐳᑦ ᐃᖅᑲᓇᐃᔭᕐᕕᖓᓂ ᐊᑲᐅᒃᓴᙱᓐᓂᐅᔪᒥ, ᐃᖢᐃᓪᓕᕐᓂᐅᔪᒥᑦ ᐊᒻᒪᓗ ᐊᒃᓱᕈᕈᑕᐅᔪᓂᑦ ᐊᑐᖅᑕᐅᔪᓂᑦ ᔫᓂᐊᓐᒥ ᐃᓚᒋᔭᐅᔪᓄᑦ.

ᐃᓚᒋᔭᐅᔪᖅ ᐃᓱᒪᒍᑎᒃ "ᐱᓂᕐᓗᒃᑕᐅᓂᖓᓂ" (ᑲᒪᒋᔭᐅᑦᑎᐊᙱᓪᓗᑎᒃ) ᒪᓕᑦᑎᐊᙱᓐᓂᖅᑕᖃᕋᓱᒋᒍᕕᐅᒃ ᐊᑕᖏᖅᖢᑎᒃ ᐊᖏᖃᑎᒌᒍᑎᒋᓯᒪᔭᖓᓐᓂᑦ, ᐊᔪᕐᓇᙱᑐᐊᕈᓂ, ᐊᑲᐅᙱᓕᐅᕈᑕᐅᔪᖅ ᐱᓕᕆᐊᕆᔭᐅᑎᓐᓇᓱᒡᓗᒍ ᐅᖃᖃᑎᖃᕐᓂᒃᑯᑦ ᐊᐅᓚᑦᑎᔨᐅᔪᓄᑦ. ᐊᔪᕐᓇᖅᐸᑦ ᐅᖃᖃᑎᖃᕐᓂᕐᒧᑦ ᐊᑲᐅᙱᓕᐅᕈᑕᐅᔪᒥ ᐊᐅᓚᑦᑎᔨᓄᑦ ᐊᒻᒪᓗ\ᐅᕝᕙᓘᓐᓃᑦ ᐊᑲᐅᙱᓕᐅᕈᑕᐅᔪᖅ ᐱᓕᕆᐊᕆᓇᓱᐊᕐᓗᒍ ᐃᓚᒋᔭᐅᔪᒧᑦ ᓈᒻᒪᙱᒃᑯᓂ ᑕᐃᒫᒃ ᐊᒃᓱᕈᕈᑎᖃᕐᓂᕐᒧᑦ ᓈᒻᒪᙱᓐᓂᐅᔪᓂᑦ ᑐᒃᓯᕋᐅᑕᐅᓪᓗᐊᖅᐳᖅ ᒫᓐᓇᑲᐅᑎᒋ.

ᐊᑕᖏᖅᖢᑎᒃ ᐊᖏᖃᑎᒌᒍᑎᒋᓯᒪᔭᓯ (CA) ᓇᓗᓇᐃᖅᓯᓯᒪᕗᑦ ᒪᓕᑦᑎᐊᕆᐊᓕᖕᒥ ᐱᓕᕆᐊᕆᔪᓐᓇᕐᓂᔅᓯᓐᓂ ᐊᑯᓂᐅᓂᖓᓂ ᑐᒃᓯᕋᕐᓂᕐᒧᑦ ᐊᒃᓱᕈᕈᑎᖃᕐᓂᕐᒧᑦ ᓈᒻᒪᙱᓐᓂᐅᔪᓂᑦ. ᔫᓐᓂᐊᓐᒥ ᑭᒡᒐᖅᑐᐃᔩᑦ/ᐱᓕᕆᕕᖕᒥ ᑲᒪᔨᒥᑦ, ᐃᑲᔪᕈᓐᓇᖅᐳᖅ ᐸᕐᓇᐃᓂᕐᒧᑦ ᐊᒃᓱᕈᕈᑎᖃᕐᓂᕐᒧᑦ ᓈᒻᒪᙱᓐᓂᐅᔪᓂᑦ, ᐊᒻᒪᓗ ᑐᓂᓗᓂᐅᒃ ᐊᐅᓚᑦᑎᔨᓄᑦ. ᖃᐅᔨᒪᙱᒃᑯᕕᐅᑦ ᑭᓇ ᔫᓐᓂᐊᓐᒥ ᑭᒡᒐᖅᑐᐃᔨᐅᔪᑦ/ ᐱᓕᕆᕕᖕᒥ ᑲᒪᔨᒥᑦ, ᐅᖃᓗᒡᕕᒋᒍᒃ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ ᑎᑎᕋᕐᕕᖓᓐᓄᑦ ᐃᑲᔪᖅᑕᐅᔪᒪᓗᑎᑦ.

ᐊᑕᖏᖅᖢᑎᒃ ᐊᖏᖃᑎᒌᒍᑎᒋᓯᒪᔭᓯ ᓇᓗᓇᐃᖅᓯᓯᒪᕗᑦ ᐊᒃᓱᕈᕈᑎᖃᕐᓂᕐᒧᑦ ᓈᒻᒪᙱᓐᓂᐅᔪᓂᑦ ᐱᓕᕆᔾᔪᓯᐅᔪᓂᑦ:
 

  • ᓴᑭᑎᑦᑎᓯᒪᕗᖅ ᐅᓄᕐᓂᖏᓐᓂ ᐱᓕᕆᐊᖑᔭᕆᐊᓕᖕᓂᑦ (ᑭᒡᓕᐅᔪᑦ) ᐊᒃᓱᕈᕈᑎᖃᕐᓂᕐᒧᑦ ᓈᒻᒪᙱᓐᓂᐅᔪᓂᑦ ᑐᓴᖅᑕᐅᓂᐊᕐᓂᖓᓂ, ᐅᖃᐅᓯᐅᑉ ᐅᖓᑖᓄᑦ, ᐅᖃᐅᔾᔨᓂᕐᒥ, ᐅᖃᖃᑎᖃᕐᓂᕐᒥᑦ ᑲᒪᔨᐅᔪᒧᑦ
  • ᐅᖃᖅᓯᓯᒪᕗᖅ ᐊᑯᓂᐅᓂᐊᕐᓂᖓᓂ ᑭᒡᓕᐅᔪᓂᑦ ᑐᓂᓯᓂᕐᒧᑦ ᐊᒻᒪᓗ ᑭᐅᔭᐅᓂᕐᒧᑦ ᐊᒃᓱᕈᕈᑎᖃᕐᓂᕐᒧᑦ ᓈᒻᒪᙱᓐᓂᐅᔪᓂᑦ ᐊᑐᓂ ᑭᒡᓕᐅᔪᒧᑦ.
  • ᐱᓂᖃᕆᐊᖃᖅᐳᖅ ᐊᖓᔪᖅᑳᖑᔪᒥᑦ ᐅᖃᐅᔾᔨᓂᕐᒧᑦ ᐃᖅᑲᓇᐃᔭᖅᑎᐅᔪᒧᑦ ᐊᐅᓚᑦᑎᔨᐅᔪᖅ ᐊᔪᙱᓐᓂᖃᖅᑐᒧᑦ ᐃᓱᒪᓕᐅᕆᓂᐅᔪᒥᑦ ᐊᑐᓂ ᑭᒡᓕᐅᔪᒥᑦ ᐊᒃᓱᕈᕈᑎᖃᕐᓂᕐᒧᑦ ᓈᒻᒪᙱᓐᓂᐅᔪᓂᑦ ᐱᓕᕆᔾᔪᓯᐅᔪᒥᑦ. ᐊᖓᔪᖅᑳᖑᔪᖅ ᐃᓕᓯᔭᕆᐊᖃᖅᐳᖅ ᑕᒪᑐᒥᖓ ᐅᖃᐅᓯᒃᓴᒥᑦ ᐃᖅᑲᓇᐃᔭᖅᑎᐅᑉ ᔫᓂᐊᓐ ᐃᖅᑲᓇᐃᔭᕐᕕᖓᓂ ᑕᑯᒃᓴᐅᑎᑕᐅᔪᓂ ᐃᖅᑲᓇᐃᔭᖅᑎᓄᑦ.

 

ᐃᖅᑲᓇᐃᔭᕐᕕᖕᓂᑦ ᐊᑲᐅᙱᓕᐅᕈᑎᑕᖃᖅᐸᑦ, ᐃᖅᑲᐅᒪᓗᑎᑦ ᐆᒪᖓ ᒪᓕᒋᐊᓕᖕᒥᑦ: ᑎᓕᔭᐅᓂᕐᓂ ᓈᓚᒡᓗᑎᑦ, ᐅᖃᐅᓯᕆᓗᒍ ᑭᖑᓂᐊᒍᑦ. ᐊᓯᐊᒍᑦ ᐅᖃᕐᓗᓂ, ᐱᓕᕆᐊᒃᓴᕐᓂᑦ ᐱᓕᕇᓐᓇᕐᓗᑎᑦ ᑭᓯᐊᓂ ᑐᒃᓯᕋᕐᓂᐊᕐᓗᑎᑦ ᐊᒃᓱᕈᕈᑎᖃᕐᓂᕐᒧᑦ ᓈᒻᒪᙱᓐᓂᐅᔪᓂᑦ ᕿᓚᒥᐸᓗᒃᑯᑦ ᐱᔪᓐᓇᕐᓂᕆᔭᑎᑦ ᓴᐳᔾᔭᐅᓯᒪᔪᓐᓇᕐᓂᐊᕐᒪᑕ. ᐱᔪᒪᓂᐊᖅᐳᑦ ᐊᑕᖏᖅᖢᑎᒃ ᐊᖏᖃᑎᒌᒍᑎᒋᓯᒪᔭᖓᓐᓄᑦ ᐊᔾᔨᖓᓂ. ᐅᖃᓕᒫᕐᓗᒍ ᐊᒻᒪᓗ ᖃᐅᔨᒪᓗᒋᑦ ᐱᔪᓐᓇᕐᓂᑎᑦ. ᑕᑯᒍᕕᑦ ᐃᒃᐱᒍᓱᒃᑯᕕᓪᓘᓐᓃᑦ ᐱᔪᓐᓇᕐᓂᑎᑦ ᐱᓂᕐᓗᒃᑕᐅᓂᖏᓐᓂ ᔫᓐᓂᐊᓐᒥ ᑭᒡᒐᖅᑐᐃᔨ/ᐱᓕᕆᕕᖕᒥ ᑲᒪᔨᒥᑦ ᐅᕝᕙᓘᓐᓃᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ ᑎᑎᕋᕐᕕᖓᓄᑦ ᒫᓐᓇᑲᐅᑎᒋ!
 

ᔫᓐᓂᐊᓐᒥ ᑭᒡᒐᖅᑐᐃᔨ/ᐱᓕᕆᕕᖕᒥ ᑲᒪᔨᒋᔭᐃᑦ ᐱᔭᕆᐊᖃᕋᔭᖅᐳᑦ ᐅᑯᓂᖓ ᒥᑭᓛᖑᔪᒥ ᐅᖃᐅᓯᒃᓴᓂ ᐱᓕᕆᕙᓪᓕᐊᓂᕐᒧᑦ ᐊᒻᒪᓗ ᓴᐳᔾᔨᓂᕐᒧᑦ ᐊᒃᓱᕈᕈᑎᖃᕐᓂᕐᒧᑦ ᓈᒻᒪᙱᓐᓂᐅᔪᓂᑦ:

 

  1. ᐊᑏᑦ, ᖃᐅᔨᒋᐊᕈᑎᒃᓴᒥ ᓈᓴᐅᑏᑦ (ᑐᕌᕈᑏᑦ; ᐅᖃᓘᑎᐅᑉ ᓈᓴᐅᑎ(ᖏᑦ) ᐊᒻᒪᓗ ᖃᕋᓴᐅᔭᑎᒍᑦ ᑎᑎᕋᕐᕕᐅᔪᓐᓇᕐᓂᖓᑕ ᑐᕌᕈᑖ
  2. ᐊᖓᔪᖅᑳᕕᑦ ᐊᑎᖓ ᐊᒻᒪᓗ ᐃᖅᑲᓇᐃᔭᕐᕕᕕᑦ ᐃᓂᖓ
  3. ᖃᓄᐃᑦᑑᓂᖓ ᐃᖢᐃᓪᓕᕈᑎᒋᔭᕐᓂ
  4. ᐅᓪᓗᖏᑦ ᐊᒻᒪᓗ ᖃᔅᓯᒧᐊᖅᑎᓪᓗᒍ ᖃᓄᐃᓕᐅᕐᓂᐅᓚᐅᖅᑐᒥ
  5. ᐊᑎ(ᖏᑦ) ᐊᒻᒪᓗ ᖃᐅᔨᒋᐊᕐᕕᒃᓴᑦ ᐅᖃᐅᓯᒃᓴᑦ ᑯᙱᐊᖅᑎ(ᓂᑦ)

 

 

 

  • logo
  • ᐃᖃᓗᐃᑦ ᐊᓪᓚᕕᒻᒪᕆᖓ

    ᐃᒡᓗ #165, ᔫᓂᐊᓐ ᐹᖓᓂ

    ᑎᑎᖅᑲᕐᓂᐊᕐᕕᒃ 869

    ᐃᖃᓗᐃᑦ, ᓄᓇᕗᑦ, X0A 0H0

    ᐅᖄᓚᐅᑎᒧᑦ: (867) 979-4209

    ᓱᒃᑲᔪᒃᑯᑦ: (867) 979-4522

    ᐊᑭᖃᙱᑦᑐᒃᑯᑦ: (877) 243-4424

  • ᕿᑎᕐᒥᐅᑦ ᐊᕕᒃᑐᖅᓯᒪᔪᓂ ᑎᑎᕋᕐᕕᖓ

    ᑎᑎᖅᑲᕐᓂᐊᕐᕕᒃ 1359

    ᐃᖃᓗᒃᑑᑦᑎᐊᖅ, ᓄᓇᕗᑦ,  X0C 0C0

    ᐅᖄᓚᐅᑎᒧᑦ:  (867) 983-3095

    ᓱᒃᑲᔪᒃᑯᑦ:  (867) 983-3401

    ᐊᑭᖃᙱᑦᑐᒃᑯᑦ: (866) 983-3095