ᔫᓂᐊᓐᒧᑦ ᐃᓚᐅᒍᑎᑦ ᓴᐳᔾᔨᔾᔪᑕᐅᒐᓚᒃᐳᑦ ᐃᖅᑲᓇᐃᔭᕐᕕᖕᓂᑦ ᐊᒻᒪᓗ ᐊᖏᕐᕋᕐᓂᑦ.
ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑦ ᑐᓂᓯᕙᒃᐳᑦ ᐊᒥᓱᓂ ᐱᓕᕆᔾᔪᔾᔨᓂᐅᔪᓂᑦ ᐃᓚᐅᒍᑎᖏᓐᓄᑦ ᐊᑭᓖᕙᒃᑐᓄᑦ. ᑕᒪᒃᑯᐊ ᐱᓕᕆᔾᔪᔾᔭᐅᕙᖕᓂᐅᔪᑦ ᐃᓚᖃᖅᐳᑦ ᑭᓯᐊᓂ ᑭᒡᓕᖃᑐᐃᓐᓇᙱᓚᑦ ᐊᒃᓱᕈᕈᑎᖃᕐᓂᕐᒧᑦ ᓈᒻᒪᙱᓐᓂᐅᔪᓂᑦ ᐱᓕᕆᓂᐅᔪᒥᑦ: ᐊᒻᒪᓗ\ᐅᕝᕙᓘᓐᓃᑦ ᐃᑲᔪᖅᓱᐃᓂᕐᒥᑦ; ᐅᓐᓂᕐᓗᒍᒪᔪᖃᖅᐸᑦ ᑭᒡᒐᖅᑐᖅᑕᐅᓂᖅ; ᐱᓕᕆᔾᔪᔾᔨᓂᕐᒧᑦ ᐃᖅᑲᓇᐃᔭᖅᑏᑦ ᐊᑐᐃᓐᓇᐅᔪᑦ ᐊᔾᔨᒌᙱᑦᑐᓄᑦ ᓄᓇᓕᐅᔪᓄᑦ ᐊᒻᒪᓗ ᑐᓂᓯᕙᒃᖢᑎᒃ ᐃᑲᔪᑦᑎᐊᖅᑐᓂ ᐅᖃᐅᓯᒃᓴᓂ ᐊᒻᒪᓗ ᑭᒡᒐᖅᑐᐃᓪᓗᑎᒃ ᐃᓚᒋᔭᐅᔪᓄᑦ; ᐱᐅᑦᑎᐊᖅᑐᒥ ᐃᓐᓇᕐᓄᑦ ᐃᓕᓐᓂᐊᕐᓂᐅᔪᒥᑦ; ᐊᒻᒪᓗ ᐊᑐᐃᓐᓇᖃᖅᑎᑦᑎᓂᕐᒥᑦ ᓇᓗᓇᐃᖅᑕᐅᓯᒪᔪᓂ ᐱᓕᕆᓂᐅᔪᓂᑦ ᐱᒋᐊᖅᐸᒃᑐᓂ ᐋᔩᖃᑎᒌᖕᓂᐅᔪᒥᑦ, ᐱᓕᕆᓂᐅᔪᒥᑦ ᑮᓇᐅᔭᓕᐊᒥᑦ ᓇᓕᒧᓕᖅᑎᑦᑎᓂᐅᔪᒥᑦ ᐊᒻᒪᓗ ᐃᓄᖕᓄᑦ ᐱᔪᓐᓇᐅᑎᖏᓐᓄᑦ ᓄᑖᙳᖅᐸᓪᓕᐊᓂᕐᒧᑦ ᐊᓯᔾᔨᕐᓂᐅᔪᓂᑦ. ᐃᓚᖏᑦ ᐃᓚᒋᔭᐅᔪᑦ ᐱᓕᕆᔪᓐᓇᖅᐳᑦ ᐃᖅᑲᓇᐃᔮᓕᒫᒥᓂᑦ ᓴᖑᓚᐅᖅᓯᒪᓇᑎᒃ ᔫᓂᐊᓐᒧᑦ ᐃᒻᒥᓄᑦ ᐃᑲᔪᖅᓱᖅᑕᐅᓂᕐᒧᑦ ᐅᖃᐅᔾᔨᔭᐅᓂᕐᒧᓪᓘᓐᓃᑦ. ᐱᔾᔪᑕᐅᖃᑕᐅᔪᖅ ᐅᖃᖃᑎᖃᕆᐊᖃᙱᓐᓂᖏᓐᓂ ᔫᓂᐊᓐᒧᑦ ᐊᒥᓱᓂ ᓴᐳᔾᔨᓯᒪᓂᐅᔪᓂ ᐃᓕᓯᒫᓂᒃᑐᓂ ᐊᑕᖏᖅᖢᑎᒃ ᐊᖏᖃᑎᒌᒍᑎᒋᓯᒪᔭᖓᓂᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑕ ᐊᖏᖅᑕᐅᑎᓯᒪᔭᖏᓐᓂ ᐊᑯᓂᐅᔪᒃᑯᑦ. ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑦ ᐸᕐᓇᒃᓯᒪᕗᑦ ᐊᑐᓕᖅᑎᑦᑎᓂᕐᒧᑦ ᐊᑕᖏᖅᖢᑎᒃ ᐊᖏᖃᑎᒌᒍᑎᒋᓯᒪᔭᖓᓐᓂᑦ ᓯᕗᓪᓕᖅᐹᒥ ᑭᒡᓕᐅᔪᒥᑦ ᐊᒃᓱᕈᕈᑎᖃᕐᓂᕐᒧᑦ ᓈᒻᒪᙱᓐᓂᐅᔪᓂᑦ ᑕᐃᑯᖓ ᐃᖅᑲᖅᑐᐃᔨᕐᔪᐊᒃᑯᓐᓄᑦ ᑲᓇᑕᒧᑦ.
ᐃᓚᖏᑦ ᑮᓇᐅᔭᓄᑦ ᐃᑲᔪᕈᑕᐅᔪᑦ ᑕᒪᐃᑎᒍᑦ ᐃᓚᒋᔭᐅᔪᓄᑦ: ᑮᓇᐅᔭᓂᒃ ᑲᑎᑎᕆᔪᓐᓇᖅᐳᑎᑦ ᐃᓚᐅᓂᕐᒧᑦ ᔫᓂᐊᓐᒥᑦ.
ᑖᒃᓰᔭᕈᑎᓄᑦ ᐲᔭᖅᑕᐅᕙᒃᑐᑦ ᔫᓂᐊᓐᒧᑦ ᐃᓚᐅᒍᑎᓄᑦ: ᐆᒃᑑᑎᒋᓗᒍ, ᑕᑯᓗᒍ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ ᐃᓚᒋᔭᐅᔪᒥ ᑮᓇᐅᔭᓕᐅᓲᒥ ᐊᕐᕌᒍᓕᒫᒧᑦ $30,000. ᐃᓚᒋᔭᐅᔪᖅ ᐊᑭᓖᕙᒃᐳᖅ $528-ᐸᓗᖕᒥᑦ ᐃᓚᐅᒍᑎᓂᑦ. ᑕᐃᒫᒃ ᔫᓂᐊᓐᑯᑦ ᐃᓚᐅᒍᑎᑦ ᐅᑎᖅᑎᒐᒃᓴᐅᖕᒪᖓ ᑖᒃᓰᔭᒍᑎᒍᑦ, ᓱᓕᔪᖅ ᑖᒃᓯ-ᐲᖅᑕᐅᕌᓂᒃᑎᓪᓗᒍ ᐊᑭᖓ ᐃᓚᒋᔭᐅᔪᒧᑦ $316-ᖑᕗᖅ.
ᑲᑎᖅᓱᖅᑕᐅᔪᓐᓇᖅᑐᑦ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᖏᓐᓄᑦ ᐊᒻᒪᓗ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᖏᓐᓄᑦ ᑲᓇᑕᒥ ᐃᓚᒋᔭᐅᔪᓄᑦ: ᐊᖏᓂᖓᓂ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᑦ ᑲᓇᑕᒥ (PSAC), ᐃᓚᒋᔭᐅᓪᓗᑕ, ᐋᔩᖃᑎᖃᕈᓐᓇᖅᐳᒍᑦ ᐅᔾᔨᕐᓇᖅᑐᒥ ᐊᑭᒃᖠᒋᐊᖅᓯᒪᓂᐅᔪᓂᑦ ᐃᓚᒋᔭᐅᔪᓄᑦ ᓄᓇᓯᐅᑎᓄᑦ ᓇᓪᓕᐅᒃᑯᒫᓄᑦ, ᐃᓅᓯᕐᒧᑦ ᓇᓪᓕᐅᒃᑯᓵᓄᑦ ᐊᒻᒪᓗ ᒥᒃᖠᒋᐊᕐᓂᐅᔪᒥ ᐊᑭᓕᒃᓴᓂᒍᓐᓇᐅᑎᒥᑦ ᐊᐅᒃᑕᔫᓄᑦ ᕿᑐᙱᐅᕐᓂᖏᓐᓄᑦ ᐊᑭᖏᓐᓂ.
ᐅᓇ ᓇᕿᒍᒃ ᖃᐅᔨᒋᐊᒃᑲᓐᓂᕋᓱᖕᓂᕐᒧᑦ ᐅᖃᐅᓯᒃᓴᓂ.
ᐱᔪᓐᓇᕐᓂᕗᑦ: ᐊᑐᒃᑭᑦ ᐊᓯᐅᔨᓗᒋᓪᓘᓐᓃᑦ!
ᐃᓱᒪᖅᓱᕐᓂᕐᒥᑦ ᑐᙵᕕᖃᖅᖢᑕ ᐃᓕᓯᓯᒪᕗᒍᑦ ᖁᑦᑎᒃᑐᒥ ᐱᐅᑎᑦᑎᓂᕐᒥᑦ ᐱᔪᓐᓇᕐᓂᑦᑎᓐᓂ ᐊᒻᒪᓗ ᐃᓱᒪᖅᓱᕐᓂᑦᑎᓐᓂ. ᒪᓕᒐᐅᔪᑦ ᓴᖅᑭᑎᑦᑎᕙᙱᓚᑦ ᐱᔪᓐᓇᕐᓂᐅᔪᓂᑦ; ᑐᓂᓯᕙᒃᐳᑦ ᒪᓕᒐᑎᒍᑦ ᐃᓕᓴᕆᔭᐅᓂᕐᒥᑦ ᐊᒻᒪᓗ ᓴᐳᔾᔨᓯᒪᓂᕐᒥᑦ ᐊᑐᕐᓂᕐᒧᑦ ᐱᔪᓐᓇᕐᓂᑦᑎᓐᓂ. ᐱᔪᓐᓇᕐᓂᕗᑦ ᓴᙱᒃᑎᒋᐊᖅᑕᐅᕗᑦ ᐃᑲᔪᖅᓯᖅᑕᐅᑦᑎᐊᖅᑎᓪᓗᒋᑦ ᒪᓕᒐᓕᕆᔨᐅᔪᓂᑦ. ᐱᔪᓐᓇᕐᓂᑦᑎᓐᓂ ᐋᖅᑭᒃᓱᖅᑕᐅᓯᒪᕗᑦ ᐋᖅᑭᑦᑎᐊᖅᓯᒪᔪᒥᑦ ᐱᓕᕆᔾᔪᓯᐅᔪᒧᑦ ᓴᓕᒐᓕᕆᓂᕐᒧᑦ ᐊᓯᖓᒍᓪᓘᓐᓃᑦ ᒪᓕᒐᑎᒍᑦ ᐸᐃᑉᐹᖑᔪᓂ, ᓲᕐᓗ ᐊᑕᖏᖅᖢᑎᒃ ᐊᖏᖃᑎᒌᒍᑎᒋᓯᒪᔭᖓᓐᓂᑦ, ᓱᓕᑦᑎᐊᕐᓂᖓᓂ ᑕᒪᒃᑯᓂᖏ ᐱᔪᓐᓇᕐᓂᑦᑎᓐᓂ ᓴᖅᑭᑎᑕᐅᓯᒪᕗᑦ. ᐱᓯᒪᐃᓐᓇᕐᓂᕐᒥᑦ ᐱᔪᓐᓇᕐᓂᑦᑎᓐᓂ ᑐᑭᖃᖅᐳᖅ ᐊᑐᖅᐸᒡᓗᒋᑦ ᐊᒻᒪᓗ ᓴᐳᔾᔨᓯᒪᕙᒡᓗᒋᑦ.
ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑦ ᐊᒻᒪᓗ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᑦ ᑲᓇᑕᒥ ᐃᓚᐅᒍᑎᑦ
ᐃᓚᒋᔭᐅᔪᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓂ ᐊᑭᓖᕙᒃᐳᑦ 1.7206% ᑮᓇᐅᔾᔭᒃᓴᓂᖓᓐᓂ ᐊᒻᒪᓗᒃᑲᓐᓂᖅ $1.00-ᒥ ᑕᖅᑭᑕᒫᑦ ᔫᓂᐊᓐ ᐃᓚᐅᒍᑎᓄᑦ. ᐃᓚᐅᒍᑎᑦ ᐊᑐᕐᓂᖃᖅᐳᑦ ᐅᑯᓄᖓ: ᐃᖅᑲᓇᐃᔭᕐᓂᖓᓄᑦ ᐊᑭᓕᐅᑎᒧᑦ: ᐃᖅᑲᓇᐃᔭᕐᓂᕐᒧᑦ ᐅᖓᑖᓄᑦ: ᐅᓂᒃᑳᕆᓂᕐᒧ ᐊᑭᓕᐅᑎᓄᑦ: ᐅᑎᕆᐊᖃᕐᓂᕐᒧᑦ ᐊᑭᓕᐅᑎᒧᑦ: ᖃᖓᑐᐃᓐᓇᒃᑯᑦ ᐃᖅᑲᓇᐃᔭᕐᓂᐅᔪᓂᑦ; ᐊᑐᐃᓐᓇᐅᒋᐊᖃᕐᓂᕐᒧᑦ ᐊᑭᓕᖅᑕᐅᔾᔪᑎᒃᓴᓄᑦ: ᕿᑲᓚᐅᑲᖕᓂᐅᔪᒧᑦ ᐱᔪᓐᓇᖅᑕᒥᓂᑦ ᐊᒻᒪᓗ ᐅᖓᑖᓅᕈᔾᔨᓂᐅᔪᓂ ᐊᑭᓕᖅᑕᐅᓂᕐᒧᑦ: ᐅᑎᒨᕆᐊᖅᓯᒪᔪᑦ ᐊᑭᓕᐅᓯᐊᖏᓐᓄᑦ ᐊᑭᑦᑐᕆᐊᕈᑕᐅᓂᐊᖅᑐᓄᑦ: ᐊᑭᓕᐅᑕᐅᔪᒥᑦ ᐊᒃᓱᕈᕈᑎᖃᕐᓂᕐᒧᑦ ᓈᒻᒪᙱᓐᓂᐅᔪᓂᑦ, ᐋᔩᖃᑎᒌᒃᑎᑦᑎᓂᕐᒧᑦ ᒥᓂᑦ-ᖏᓐᓂᓘᓐᓃᑦ ᐊᖏᕈᑕᐅᒧᒧᑦ. ᐃᓚᒋᔭᐅᔪᑦ ᐊᖏᖅᓯᕙᒃᐳᑦ ᐃᓚᐅᒍᑎᑦ ᐊᑭᖏᓐᓂ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓂᑦ ᐊᒻᒪᓗ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᑦ ᑲᓇᑕᒥ ᐊᕐᕌᒍᑦ ᐱᖓᓱᑦ ᐊᓂᒍᕌᖓᑕ ᑲᑎᒪᓂᐅᔪᓂᑦ.
ᓇᒧᙵᐅᕙᒃᐸᑦ ᐃᓚᐅᒍᑎᑎᑦ?
ᔫᓂᐊᓐᒧᑦ ᐃᓚᐅᒍᑎᑎᑦ ᐊᑭᓕᖅᑕᐅᔾᔪᑎᖕᓂᑦ ᓯᕗᓪᓕᕐᒥ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᖏᓐᓅᓲᖑᕗᑦ ᑲᓇᑕᒥ (PSAC). ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᑦ ᑲᓇᑕᒥ ᐸᐸᑦᑎᕗᑦ ᐃᓚᖓᓐᓂ ᐃᓚᐅᒍᑎᓂᑦ ᐱᓕᕆᔾᔪᔾᔨᓂᕐᒧᑦ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᑦ ᑲᓇᑕᒥ ᐃᓚᒋᔭᐅᔪᓄᑦ (ᐃᓚᖃᖅᖢᓂ ᐃᓕᖕᓂᑦ ᐃᓚᒋᔭᐅᓪᓗᑎᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑦ ᐃᓚᖓᓐᓂ). ᐊᖏᓂᖓ ᐃᓚᐅᒍᑎᓂᑦ ᐸᐸᑕᐅᔪᑦ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᑦ ᑲᓇᑕᒥ ᓇᓗᓇᐃᖅᑕᐅᕙᒃᐳᖅ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᖏᑕ ᑲᓇᑕᒥ ᑲᑎᒪᓂᖓᓂ, ᐅᐸᒃᑕᐅᕙᒃᑐᓂ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑕ ᑭᒡᒐᖅᑐᐃᔨᖏᓐᓂ.
ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᖏᑦ ᑲᓇᑕᒥ ᒫᓐᓇᐅᔪᒥ ᐸᐸᑦᑎᕙᒃᐳᑦ 52%-ᒥ ᐃᓚᐅᒍᑎᖕᓂᑦ ᑕᖅᑭᑕᒫᑦ, ᐃᓱᒪᓇᓂ ᖃᓄᑎᒋ ᐊᑭᓖᕙᖕᓂᕐᓄᑦ. ᑕᒪᒃᑯᐊ ᐃᓚᐅᒍᑎᑦ ᐊᑐᖅᑕᐅᕙᒃᐳᑦ ᓱᓇᒃᑯᑖᓄᑦ ᓲᕐᓗ ᐃᓕᓐᓂᐊᕐᓂᕐᒧᑦ, ᕿᒡᒐᖅᑐᐃᓂᕐᒧᑦ; ᐋᔩᖃᑎᖃᕐᓂᕐᒧᑦ ᐊᒻᒪᓗ ᑲᓇᑕᓕᒫᒥ ᐱᓇᓱᐊᕐᓂᐅᔪᓂ (ᓲᕐᓗ, ᐱᔾᔪᑎᓕᖕᒥᑦ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ; ᑮᓇᐅᔾᔭᒃᓴᕆᔭᐅᓂᐊᖅᑐᓂ ᑮᓇᐅᔭᖅᑐᕈᑎᓂᑦ ᐃᓄᖕᓄᓪᓘᓐᓃᑦ ᐱᔪᓐᓇᕐᓂᑦᑎᓐᓂ ᐊᑲᐅᙱᓕᐅᕈᑕᐅᔪᓂ) ᐊᒃᑐᐃᕙᒃᑐᓂ ᐃᓚᒋᔭᐅᔪᓂᑦ ᑲᓇᑕᓕᒫᒥᑦ.
ᖃᓄᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑦ ᐊᑐᐃᕙᑦᐸᑦ ᐃᓚᐅᒍᑎᖕᓂᑦ?
ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑦ ᑐᓂᓯᕙᒃᐳᑦ ᖃᔅᓯᒐᓚᖕᓂ ᐱᓕᕆᔾᔪᔾᔨᓂᐅᔪᓂᑦ ᐃᓚᒋᔭᐅᔪᓄᑦ, ᐃᓚᖃᖅᖢᓂ, ᑭᓯᐊᓂ ᑭᒡᓕᖃᖅᑎᑕᐅᓇᓂ ᐅᑯᓂᖓ:
- ᐱᓕᕆᔾᔪᔾᔨᔨᐅᔪᓂᑦ ᐃᖅᑲᓇᐃᔭᖅᑎᓂᑦ ᐊᑐᐃᓐᓇᐅᔪᑦ ᑭᒡᒐᖅᑐᐃᓂᕐᒧᑦ ᐊᒻᒪᓗ ᐅᖃᐅᔾᔨᓂᕐᒧᑦ
- ᐃᑲᔪᖅᑐᐃᓂᕐᒥᑦ ᐊᖏᖅᑎᑦᑎᓇᓱᐊᕐᓂᕐᒧᑦ ᐊᑕᖏᖅᖢᑎᒃ ᐊᖏᖃᑎᒌᒍᑎᒋᓯᒪᔭᖓᓐᓂᑦ
- ᐃᓐᓇᓄᑦ ᐃᓕᓐᓂᐊᕐᓂᐅᔪᓂ ᐋᖅᑭᒃᓱᖅᑕᐅᓯᒪᔪᓂ ᐱᔭᕆᐊᖃᕐᓂᖏᓐᓄᑦ ᓄᓇᓕᖕᓄᑦ/ᐃᖅᑲᓇᐃᔭᕐᕕᖏᓐᓂᑦ
- ᐊᑐᓕᖅᑎᑦᑎᓂᖅ ᐊᑕᖏᖅᖢᑎᒃ ᐊᖏᖃᑎᒌᒍᑎᒋᓯᒪᔭᖓᓐᓂᑦ ᐱᔪᓐᓇᕐᓂᑦᑎᓐᓂ ᐊᒻᒪᓗ ᑭᒡᒐᖅᑐᐃᓂᕐᒥᑦ ᐱᓕᕆᕐᓗᒃᑕᐅᓯᒪᓂᐅᔪᓂᑦ ᐱᔪᓐᓇᕐᓂᑦᑎᓐᓂ ᐱᔾᔪᑎᓕᖕᓂᑦ ᓇᓗᓇᐃᖅᑕᐅᓯᒪᓂᖏᑎᒍᑦ; ᐃᖅᑲᓇᐃᔭᖅᑎᒃᓴᓄᑦ; ᐃᖅᑲᓇᐃᔮᒧᑦ ᒪᓕᒋᐊᓕᖕᓂᑦ ᐊᒻᒪᓗ ᐋᓐᓂᐊᖃᖅᑕᐃᓕᒪᑎᑦᑎᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ
- ᓇᐅᑦᑎᖅᓱᕐᓂᖅ ᑲᑎᒪᔨᓕᐅᕐᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᐊᒃᑐᐃᕙᒃᑐᓂ ᐃᖅᑲᓇᐃᔭᕐᕕᖓᓐᓂ ᐊᒻᒪᓗ ᐅᖃᐅᔾᔨᓂᕐᒥᑦ ᐊᒻᒪᓗ ᐃᖏᕐᕋᑎᑦᑎᓂᕐᒥᑦ ᐃᓚᒋᔭᐅᔪᓂᑦ ᑕᒪᒃᑯᓄᖓ ᐊᑲᐅᙱᓕᐅᕈᑕᐅᔪᓂᑦ
- ᐸᕐᓇᐃᓂᖅ ᐊᒻᒪᓗ ᐅᓂᒃᑳᕆᓂᖅ ᐅᖃᓪᓚᐅᑎᒃᓴᓕᐊᖑᓯᒪᔪᓂ ᒪᓕᒐᓕᕆᓂᕐᒧᑦ ᑲᑎᒪᔨᕋᓛᓄᑦ ᐊᒻᒪᓗ ᐊᓯᖏᓐᓄᑦ ᐅᖃᕐᕕᐅᔪᓄᑦ ᓇᓗᓇᐃᔭᐃᓂᕐᒧᑦ ᓴᙱᔪᒥᑦ ᐃᖅᑲᓇᐃᔭᕐᓂᕐᒧᑦ ᒪᓕᒐᓂᑦ ᐊᒻᒪᓗ ᓴᐳᔾᔨᓯᒪᓂᕐᒧᑦ ᐱᔪᓐᓇᕐᓂᑦᑎᓐᓂ ᐃᖅᑲᓇᐃᔭᖅᑎᐅᓪᓗᑎᒃ
ᐊᐱᕆᔭᐅᒐᔪᒃᑐᑦ ᐱᔾᔪᑎᓕᖕᓂ ᐃᓚᐅᒍᑎᓂᑦ:
ᐊᐱᖅᑯᑎ: ᔫᓂᐊᓐᒧᑦ ᐃᓚᐅᒍᑎᑦ ᑖᒃᓰᔭᕈᑎᑐᐃᓐᓇᐅᕙᑦ ᑮᓇᐅᔾᔭᒃᓴᐅᑎᑦᑎᓐᓄᑦ ᐊᒻᒪᓗ ᖃᓄᓪᓚᕆᒃ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᖏᑦ ᑲᓇᑕᒥ ᐊᒻᒪᓗ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑦ ᐱᓕᕆᕙᒃᐸᑦ ᐃᓚᐅᒍᑎᑦᑎᓐᓂ?
ᑭᐅᔾᔪᑎ: ᐃᖅᑲᓇᐃᔭᖅᑎᐅᔪᑦ ᐊᔾᔨᒌᖕᓂ ᐅᑎᕐᕕᐅᖃᑦᑕᕈᑎᒃ ᑖᒃᓯᓂᑦ ᐊᑭᓕᖅᐸᒃᑕᔅᓯᓐᓂ ᐱᕙᒃᑕᔅᓯᓐᓂ ᔫᓂᐊᓐᒧᑦ ᐃᓚᐅᒍᑎᔅᓯᓐᓂ, ᐅᖃᐱᓘᑎᖃᕋᔭᙱᑦᑐᓯ ᑖᒃᓯᓂᑦ! (ᐅᐊᓪᑕ ᕈᑐ, ᐊᖓᔪᖅᑳᖅ ᑲᑎᙵᔪᑦ ᓄᓇᓯᐅᑎᓄᑦ ᐃᖅᑲᓇᐃᔭᖅᑎᓄᑦ, 1967).
ᐸᐸᑦᑎᐊᓂᖕᒪᑕ ᐃᓚᖓᓐᓂ ᐃᓚᐅᒍᑎᓂᑦ ᐊᑐᖅᐸᒃᑕᖏᓐᓂ ᓱᓇᒃᑯᑖᓄᑦ ᓲᕐᓗ ᑭᒡᒐᖅᑐᐃᓂᕐᒧᑦ ᐋᔩᖃᑎᒌᒃᑎᑦᑎᓂᐅᔪᓂᑦ ᐊᒻᒪᓗ ᐅᓐᓂᕐᓘᑎᓂᑦ; ᐊᖏᖃᑎᒌᒐᓱᐊᕐᓂᕐᒧᑦ ᐊᒻᒪᓗ ᑲᓇᑕᓕᒫᒥ ᐱᓕᕆᐊᖑᔪᓂ ᐊᒃᑐᐃᕙᒃᑐᓂ ᐃᓚᒋᔭᐅᔪᓕᒫᓂᑦ, ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᖏᑦ ᑲᓇᑕᒥ ᐅᑎᖅᑎᑦᑎᕙᒃᐳᑦ ᐊᒥᐊᒃᑯᖓᓂ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ ᐊᒻᒪᓗ ᓄᓇᓕᐅᔪᓄᑦ ᐱᓕᕆᔾᔪᔾᔨᓂᕐᒧᑦ ᑐᓂᔭᐅᕙᒃᑐᓂ ᐃᓚᒋᔭᐅᔪᓄᑦ.
$2.50 ᐊᑐᓂ ᐊᑎᓕᐅᖅᓯᒪᔪᒧᑦ ᐃᓚᒋᔭᐅᔪᒧᑦ ᐃᓚᐅᒍᑎᓂᑦ ᐅᑎᖅᑎᑦᕙᒃᐳᑦ ᓄᓇᓕᐅᔪᓄᑦ ᔫᓂᐊᓐᓄᑦ, ᐃᓱᒪᖅᓲᑕᐅᓗᓂ ᐊᑐᖅᑕᐅᓂᐊᕐᓂᖓᓂ. ᓄᓇᓕᐅᔪᓄᑦ ᔫᓂᐊᓐᓄᑦ ᐱᑐᐃᓐᓇᓲᖑᕗᑦ ᑕᒪᑐᒥᖓ ᐊᖏᓂᐅᔪᒥᑦ ᐊᑐᓂᒧᑦ ᐃᓚᒋᔭᐅᔪᒧᑦ ᐊᑎᓕᐅᕆᓯᒪᔪᒧᑦ ᔫᓂᐊᓐᒧᑦ ᓇᓗᓇᐃᒃᑯᑕᒧᑦ. ᑕᐃᒫᒃ ᐱᒻᒪᕆᐅᕗᖅ ᐊᑎᓕᐅᕆᓂᕐᒥᑦ ᔫᓂᐊᓐᒧᑦ ᓇᓗᓇᐃᒃᑯᑕᖕᓂᑦ ᐊᒻᒪᓗ ᐃᓚᐅᕙᒡᓗᓂ ᓄᓇᓕᐅᔪᓄᑦ ᔫᓂᐊᓐᓄᑦ ᐱᓕᕆᐊᖑᔪᓂᑦ.
ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᖏᑦ ᑲᓇᑕᒥ, ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᑦ ᐊᒻᒪᓗ ᓄᓇᓕᐅᔪᓄᑦ ᔫᓂᐊᓐᓄᑦ ᐊᑐᖅᐸᒃᐸᖏᑦ ᐅᑎᕐᕕᐅᓂᖏᓐᓂ ᐃᓚᐅᒍᑎᓂᑦ ᑐᕌᖓᓂᓕᖕᓂ ᑐᕌᖓᓂᐅᙱᑦᑐᒥᓪᓘᓐᓃᑦ ᓴᐳᔾᔨᓯᒪᓂᕐᒧᑦ ᐱᔪᓐᓇᕐᓂᑦᑎᓐᓂ.
ᐊᖏᓛᖑᔪᑦ ᐊᑭᓕᒐᒃᓴᓂ ᐅᑯᐊᖑᕗᑦ:
- ᑮᓇᐅᔭᓕᐊᖏᑦ ᐊᒻᒪᓗ ᐃᑲᔪᕈᑎᓂᑦ ᐃᖅᑲᓇᐃᔭᖅᑎᓄᑦ ᐊᒻᒪᓗ ᐅᓪᓗᓕᒫᖅᑐᓄᑦ ᓂᕈᐊᖅᑕᐅᓯᒪᔪᓄᑦ ᐱᓕᕆᔨᐅᔪᓄᑦ. ᐃᖅᑲᓇᐃᔭᖅᑏᑦ ᐃᓚᖃᖅᐳᑦ ᐱᓕᕆᔾᔪᔾᔨᔨᐅᔪᓄᑦ ᐊᑐᖅᑎᑦᑎᕙᒃᑐᓂ ᐊᑕᖏᖅᖢᑎᒃ ᐊᖏᖃᑎᒌᒍᑎᒋᓯᒪᔭᖓᓐᓂᑦ, ᐊᒻᒪᓗ ᑲᒪᒋᔭᖃᖅᖢᑎᒃ ᐊᒃᓱᕈᕈᑎᖃᕐᓂᕐᒧᑦ ᓈᒻᒪᙱᓐᓂᐅᔪᓂᑦ ᒪᕐᕈᖓᓂ ᑭᒡᓕᐅᔪᒥᑦ ᐊᒻᒪᓗ ᐅᖓᑎᐊᓄᑦ ᐊᒻᒪᓗ ᐊᓪᓚᕕᖕᒧᑦ ᐃᑲᔪᖅᓱᐃᓂᕐᒧᑦ ᐃᖅᑲᓇᐃᔭᖅᑏᑦ ᐱᔭᕆᐊᖃᖅᑐᓂᑦ ᐃᑲᔪᖅᓱᐃᓂᕐᒧᑦ ᐱᓕᕆᔾᔪᔾᔨᔨᐅᔪᓂᑦ ᐊᒻᒪᓗ ᑲᓇᑕᒥ ᐊᖓᔪᖅᑳᖑᔪᒧᑦ.
- ᐅᑎᖅᑐᒃᓴᑦ ᓄᓇᓕᐅᔪᓄᑦ ᔫᓂᐊᓐᓄᑦ ᐊᑐᕈᓐᓇᕐᓗᓂᔾᔪᒃ ᐊᑎᓕᐅᖅᓯᒪᔪᑦ ᐃᓚᒋᔭᐅᔪᓂᑦ ᐱᖁᔭᖏᓐᓂᑦ
- ᑐᑭᒧᐊᖅᑎᑦᑎᔨᓄᑦ ᐊᑭᓕᒐᒃᓴᐃᑦ - ᐱᓗᐊᖅᑐᒥ ᐊᐅᓪᓚᕐᓂᕐᒧᑦ ᐊᒻᒪᓗ ᐊᓯᐅᔨᓂᕐᒧᑦ ᑮᓇᐅᔾᔭᒃᓴᓂᖓᓄᑦ ᐊᕕᒃᑐᖅᓯᒪᔪᓂ ᐊᖓᔪᖅᑳᑉ ᑐᖓᓕᖏᓐᓄᑦ ᓄᓇᓕᖕᓄᙵᐅᓂᕐᒧᑦ ᐱᓕᕆᔾᔪᔾᔨᓂᐅᔪᓂ ᐱᔭᒃᓴᒥᓂᑦ, ᐊᒻᒪᓗ ᐊᖓᔪᖅᑳᑉ ᐊᕐᕌᒍᑕᒫᒥ ᐳᓚᕋᕆᐊᖃᕐᓂᖓᓄᑦ ᖃᔅᓯᒐᓚᖕᓄᑦ ᓄᓇᓕᐅᔪᓄᑦ ᐊᕐᕌᒍᑕᒫᑦ (ᐊᖓᔪᖅᖄᖑᔪᖅ ᑎᓕᔭᐅᓯᒪᓂᖓᑎᒍᑦ, ᑲᑎᒪᓂᕐᒥᑦ, ᐱᓕᕆᓂᕐᒧᑦ).
- ᒪᕐᕈᐃᖅᓱᕐᓗᓂ ᐊᕐᕌᒍᒥ ᑲᑎᒪᓂᕐᒧᑦ ᑕᒪᒃᑮᓂᑦ ᑐᑭᒧᐊᖅᑎᑦᑎᔨᓄᑦ (ᐊᖓᔪᖅᑳᖅ, ᑐᖓᓕᖏᑦ, ᐊᕕᒃᑐᖅᓯᒪᔪᓂ ᐊᖓᔪᖅᑳᑦ ᑐᖓᓕᖏᓐᓂ) ᐃᖃᓗᖕᓂ ᐊᑐᓕᖅᑎᑦᑎᓂᕐᒧᑦ ᐊᑐᐊᒐᓂᑦ ᐊᒻᒪᓗ ᒪᓕᒐᕋᓛᓂᑦ ᐊᖏᖅᑕᐅᓯᒪᔪᓂ ᑲᑎᒪᓂᐅᒧᒥᑦ ᐊᒻᒪᓗ ᐸᕐᓇᐃᓂᕐᒧᑦ ᐱᓕᕆᐊᒃᓴᐅᔪᓂᑦ ᐊᒻᒪᓗ ᐸᕐᓇᒍᑎᓂᑦ ᐊᔾᔨᒌᙱᕈᓘᔭᖅᑐᓂ ᓴᖅᑭᑉᐸᓪᓕᐊᔪᓂ ᐊᑲᐅᙱᓕᐅᕈᑕᐅᔪᓂ ᐃᓚᒋᔭᐅᓂᕐᒧᑦ.
- ᐊᑭᖏᓐᓂ ᐃᓚᒋᔭᐅᔪᓂ ᐊᖏᖃᑎᒌᒐᓱᐊᕐᓂᕐᒧᑦ - ᐱᓗᐊᖅᑐᒥ ᐊᐅᓪᓚᕐᓂᕐᒧᑦ ᐊᑭᖏᓐᓂ ᐱᓕᕆᔾᔪᔾᔨᔨᐅᔪᓄᑦ ᐊᒻᒪᓗ ᐊᕕᒃᑐᖅᓯᒪᔪᓄᑦ ᐊᖓᔪᖅᑳᑉ ᑐᖓᓕᖏᓐᓂ ᓄᓇᓕᖕᓄᙵᐅᓂᕐᒧᑦ ᐃᑲᔪᖅᓱᐃᓂᕐᒧᑦ ᐊᖏᖃᑎᒌᒐᓱᐊᕐᓂᕐᒧᑦ.
- ᐊᑮᑦ ᐃᓚᒋᔭᐅᔪᑦ ᐃᖏᕐᕋᑎᑦᑎᓂᕐᒧᑦ ᐊᔾᔨᒌᙱᑦᑐᓂ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓂᑦ ᐱᖁᑎᖏᓐᓂ ᓲᕐᓗ: ᓇᖕᒥᓂᖃᕐᓂᕐᒧᑦ ᐊᑭᓕᐅᑎᐅᔪᓄᑦ ᐃᒡᓗᒧᓪᓘᓐᓃᑦ ᐊᑐᖅᑐᐊᕈᑎᓄᑦ; ᐊᑭᑭᒡᓕᕙᓪᓕᐊᔪᓄᑦ ᐱᖁᑎᕐᔪᐊᖏᓐᓄᑦ; ᐆᒻᒪᖅᑯᑎᓄᑦ (ᐅᖅᑰᓴᐅᑎᓄᑦ, ᐃᑯᒪᓄᑦ, ᐆᓇᖅᑐᒥᑦ ᐃᒪᖃᕐᓂᕐᒧᑦ); ᐊᒻᒪᓗ ᑲᔪᓯᑎᑦᑎᓂᕐᒧᑦ ᐊᔾᔨᒌᙱᑦᑐᓄᑦ ᐃᒡᓗᕐᔪᐊᓄᑦ.